Beynəlxalq Təlim və Layihə Mərkəzi kompyuter biliklərini ölçən beynəlxalq sertifikat proqramı ECDL-in (European Computer Driving Licence – Avropa Kompüter Səviyyəsi Ölçmə Sertifikatı) ölkəmizdəki rəsmi Akkreditasiya Olunmuş Test Mərkəzi (ATM) olaraq təsdiqlənmişdir. Bu status Beynəlxalq Təlim və Layihə Mərkəzinə Litva Respublikasının İnformasiya Texnologiyaları İnstitutu tərəfindən verilmişdir.
Kompyuter istifadəçiləri üçün sertifikatlar
ECDL (European Computer Driving Licence – Avropa Kompyuter Səviyyəsi Ölçmə Sertifikatı) ilə sertifikatlaşdırılmış bilikləriniz sizin karyera hədəflərinizə asanlıqla çatmağınıza zəmin yaradacaq.
2020-ci ilə qədər 90% iş yerlərinə əsas səviyyə kompyuter bilikləri tələbi olunacaq. Siz ECDL sertifikatları ilə kompyuter həllərindən asanlıqla və səmərəli istifadə etmək bacarığınızı beynəlxalq səviyyəli sertifikatla təsdiq edəcəksiniz.
ECDL sertifikatları:
- 149 ölkədə tanınır və qəbul edilir
- 24000-dən çox təlim və imtahan mərkəzi vardır
- 43 dildə tədris və imtahan keçirilir
- 13 milyondan çox iştirakçısı var
Biliklərin səviyyəsinin müəyyən edilməsi imtahanları
Müasir dövrdə artıq Avropa şirkətləri işə götürmə zamanı kompyuter biliklərinin ölçülməsi üçün ECDL sertifikatı tələb edirlər. İmtahanlar Təməl, Orta və Ali olaraq, 3 səviyyəyə bölünür. Şəxs istənilən bir modul üzrə imtahanda iştirak edə bilər. Aşağıda səviyyələr üzrə modular göstərilmişdir:
Təməl səviyyə:
- Computer Essentials (9 saat)
- Online Essentials (6 saat)
- Microsoft Word (15 saat)
- Microsoft Power Point (12 saat)
- Microsoft Excel (18 saat)
Təməl səviyyə ümumi olaraq, 60 saat təşkil edir.
Orta səviyyə:
- Verilənlər bazası
- Təqdimat
- Onlayn əməkdaşlıq
- İT təhlükəsizliyi
- Rəsm üzərində redaktə
Ali səviyyə:
- Mətn prosessoru
- Elektron cədvəllər
- Verilənlər bazası
- Təqdimat
Qeyd: Öz bilik və bacarığına inanan şəxs kurslarda iştirak etmədən birbaşa imtahanlarda iştirak edə bilər.